Os nuestros cursos
L’Aragonés se troba en una delicata situación: ye una d’as luengas más minorizatas, amenazatas y vulnerables de Europa como afirma a Carta Europea de Lenguas Minoritarias.
A ruptura d’a suya transmisión cheneracional entre ros fablants patrimonials, a suya radita implantación escolar e a suya falta de impulso, fueras de bellas excepcions ta part d’as institucions u os meyos de comunicación, convierten a l’aragonés en una luenga desprotechita, desatendita e ignorata.
Como aragoneses, ye responsabilidat nuestra estar hereus argüellosos d’iste valuroso patrimonio e, prou quesi, estar-ne os suyos transmisors, ya que a necesaria revitalización de l’aragonés ye, más que más, responsabilidat d’os suyos fablants.
Dende o Ligallo de Fablans de l’Aragonés y a Fundación Aragonum queremos meter en as tuyas mans, os nuestros cursos o instrumento e ras ferramientas ta que puedas parlar a luenga nuestra, o aragonés.
Fablar, leyer, sentir, expresar os tuyos razonamientos e sentimientos en una luenga milenaria, atractiva y a saber que evocadera.
Si yes naixito de Aragón u os tuyos debampasatos promanan de cualsequier puesto d´Aragón, a escape escubrirás que ra luenga aragonesa ye en toz es cabos: en o nuestro vocabulario, en a toponimia y en os nombres d’as cosas, en as tradicions, en a gastronomía, en l’arte, en a cultura…
Y si no yes naixito en Aragón, pero i vives o te fa goyo a tierra nuestra, no t’arrepentirás
d’aprender aragonés, ya que tamién escubrirás cómo ista luenga, propia y autoctona, conforma un d’os nuestros exes vitals, como una chicota e valurosa alfaya que atesoramos y que articula identidat e patrimonio. Viengas d’an viengas, sé bienvenito ta os nuestros cursos porque te’n vas a enriqueixer fablando e vivindo en aragonés.
Extraescolars de luenga aragonesa
En o marco d’istas actividaz, os estudiants tendrán a oportunidat de participar en una gran variedat d’actividaz: podrán realizar clases practicas, aprender vocabulario y gramatica, y echercitar-se en a conversación en aragonés.
Antiparte, podrán realizaractividaz culturals como a celebración de fiestas tradicionals, a proyección de cintas en aragonés u a elaboración de proyectos artisticos inspiratos en a cultura aragonesa.
Difuera d’o colexio, en as actividaz extraescolars proposatas se pueden incluyir-ie, excursions ta lugars d’intrés natural e cultural relacionatos con o idioma aragonés, vesitas ta museos u exposicions tematicas, asinas como tamién a participación en eventos comunitarios u fiestas an que se promueva o uso e a difusión d l’aragonés.
Conoixe os nuestros cursos
Presencial
- Cursos d’octubre a chunio
- Clases presencials de 1 hora 30 minutos
- Luns ta viernes, mañana u tarde
- Aforo maximo de 9 alumnos/as
Precio por curso 100€
Online
- Cursos d’octubre a chunio
- Clases online de 1 hora 30 minutos
- Luns ta viernes, mañana u tarde
- Número maximo de alumnos/as i conectatos: 9
Precio por curso 100€
Autoaprendizaje
- Alquisición de materials necesarios ta l´aprendizache de forma autonoma
- Posibilidat d´una tutoría mensual (presencial u online) con uno d´os mayestros/as
Precio por curso 60€