Cursos d'Aragonés
2024-2025

Apunta-te-ie!

*de 9.00 a 13.00 horas L-V

Descarga o nuestro folleto de actividaz

Aragonés

Castellano

Que femos?

Qui semos

Ligallo de Fablans de l’Aragonés ye, dende 1982, una asociación que tien entre os obchetivos que femos a difusión, promoción, defensa y enseñanza d’a luenga aragonesa u aragonés.

Fablans considera que l’aragonés ye a luenga propia d’Aragón y que cal que sía protechita, recuperata y espardita entre o conchunto d’a sociedat aragonesa ta constituyir un element clau y vertebrador d’a mesma.

Fundación Aragonum ye una entidat sin animo de lucro constituyita en mayo de 2021. A idea d’a fundación ranca d’a necesidat de reviscolar a identidat cultural, autoreferenciata, d’a sociedat aragonesa, a traviés d’una entidat eficient y dinamica, capable d’actualizar-se de contino t’os nuevos retos d’os avances tecnolochicos, cientificos, e socials.

En Aragonum pretendemos estar o motor que dinamice a ra sociedat aragonesa.

Chuntos a ixena

Ligallo de Fablans proposa:

Impulsar

a cultura aragonesa, a suya diversidat y pluralidat.

Defender

e promover o herencio cultural e historico d’aAragón.

Fomentar

a cultura de tradición popular aragonesa.

Protecher

promocionar e ixamplar o uso d’as luengas d’Aragón: L’Aragonés e o Catalán d’Aragón.

Refirmar

a repoblación d´o meyo rural aragonés.

Actividaz ta ninos e ninas

Fomentar l’aragonés dende temprana edat ye fundamental. O Ligallo de Fablans de l’Aragonés y a Fundación Aragonum promueven l’aprendizache d’ista luenga ancestral dende a nineza.

Queremos que os ninos e ninas d’Aragón, asinas como aquels que sientan afinidat con ista tierra, puedan fablar, leyer y sentir en aragonés.

Convidamos a aprender aragonés dende os suyos primers años, ta enfortir a suya conexión con a nuestra tierra y a suya riqueza lingüistica e cultural.

Extraescolars de luenga aragonesa

En o marco d’istas actividaz, os estudiants tendrán a oportunidat de participar en una gran variedat d’actividaz: podrán realizar clases practicas, aprender vocabulario y gramatica, y echercitar-se en a conversación en aragonés.

Antiparte, podrán realizar actividaz culturals como a celebración de fiestas tradicionals, a proyección de cintas en aragonés u a elaboración de proyectos artisticos que femos inspiratos en a cultura aragonesa. 

Difuera d’o colexio, en as actividaz extraescolars proposatas se pueden incluyir-ie, excursions ta lugars d’intrés natural e cultural relacionatos con o idioma aragonés, vesitas ta museos u exposicions tematicas, asinas como tamién a participación en eventos comunitarios u fiestas an que se promueva o uso e a difusión d l’aragonés.

colonias

Colonias de verano

Estiaño 2024 se meterán en marcha ras colonias urbanas de verano basatas y enfocatas en a cultura de tradición popular d’Aragón. Ligallo de Fablans de l’Aragonés e Fundación Aragonum rancan iste proyecto en o Centro Cívico Tío Jorge. Pensatas ta ninos y ninas, será ra oportunidat perfecta ta aprender-ie a luenga, cultura e historia aragonesa. 

Será un “viache por Aragón” ta conoixer-ie as diferents fiestas, costumbres y cultura de lugars de ra nuestra comunidat. As colonias se diferenciarán por edaz, introduciremos l´aragonés a travíes d´una metodolochía de chuegos didacticos, fendo-ie tallers amenos y divertitos. Durant as colonias tamién bi habrá dos días a ra semana en os cuals faremos salitas ta ras piscinas C.N. Helios y a o mesmo parque Tío Jorge.

Campamentos de verano

Estiaño 2024 se meterán en marcha ras convivencias de verano, enfocatas en a cultura de tradición popular d’Aragón. Ligallo de Fablans de l’Aragonés e a Fundación Aragonum lievarán a cabo iste proyecto durant 7 días en Enate, en o Semontano de Balbastro, ta convivir-ie e amanar-nos ta ra luenga, cultura e historia aragonesa.

Durant istos días bi seremos alochatos en una casa de turismo rural e i faremos diferents excursions por tota ra redolada ta conoixer-la aprendiendo y practicando l’aragonés, e a cultura que lo rodea a traviés de tallers e chuegos ,igualmente i conoixeremos de forma amena, a historia, costumbres, oficios y lugars singulars. Será una experiencia proveitosa e inixuplidable. Prou que si tamién bi habrá piscina e tiempo libre.

Cursos d'aragonés

Os nuestros cursos de luenga aragonesa se desembolican entre octubre y chunio, per un regular con sesions semanals de 1 hora e meya, presencial u online, encara que tamién puede haber-ne a ra carta, en monecipios, asociacions u entidaz de todo tipo, dende edat escolar dica educación de adultos.

O nuestro modelo implementa nuevas tecnolochías e proposas didacticas d’a man d’os millors profesors.

Y ye que o nuestro apueste por a calidat d’a enseñanza y d’o aprendizache se sustenta en un equipo de docents con os maximos nivels: Intermeyo-Alto (B2), Avanzato (C1) e Diploma de Especialización en Filología Aragonesa (DEFA) d´a Universidad de Zaragoza.

Un apueste por l’aprendizache de calidat y l’adquisición de competencias que femos ta os nuestros alumnas e alumnos, que podrán aprender aragonés en grupos reducitos.

rufierta-clase

Taller sobre cultura e luenga aragonesa

taller-aragones

Iste taller que femos tien l’obchetivo de dar a conoixer y espardir a realidat lingüistica e cultural d’aragón entre ros alumnos e alumnas d’a ESO y Bachillerato.

Ye distribuyito en dos sesions de bels 50 menutos. A primer sesión, más teorica, encomenzará con a historia, evolución e caracteristicas lingüisticas d’a luenga aragonesa, per l’atro costau, a segunda meterá en practica, mediant una dinamica experiencia mas ludica y participativa, como a construcción e conchugación de parolas, frases y expresións en aragonés.

En o tayer se veyetan temas como:

  • ¿Qué ye o aragonés?
  • ¿A on se fabla aragonés?
  • Principals dialectos de o aragonés
  • Un poquet de historia
  • Bella miqueta sobre literatura e autors/as
  • Cómo ye regulato legalment l’aragonés

 

Os tallers son prestos ta completar a matiera de “Cultura y Patrimonio de Aragón”.

Mas info en: comunicazion@fablans.org

Club d'ocio e tiempo libre

Con a realización d’excursions guiatas, o Ligallo de Fablans de l’Aragonés e a Fundación Aragonum promovemos practicas deportivas saludables (senderismo u trekking) que integran, más a más, o conoiximiento d’o territorio a traviés de paratas interpretativas planificatas a ro largo d’as rutas.

Ta ixo, hemos parato una serie de excursions que tienen l’obchetivo d’espleitar d’os paisaches aragoneses dende un punto de vista activo e cultural, an que a luenga aragonesa tiene un protagonismo muit especial: gracias a ras paratas interpretativas nos acercamos ta ra comprensión de paisaches y ecosistemas, historia, patrimonio e toponimia. Antiparte, totas as actividaz u excursions que femos se completan con a organización d’una chenta de chirmandat ta tot o grupo excursionista, asinas como a planificación de bella vesita ludica u cultural ta monumentos, museos u ta centros expositivos.

A primer excursión que faciemos en ista nueva etapa de Aragonum e Fablans, no hese puesto estar unatra, que ir-nos-ne ta ra val d’Astún, vesitando-ie os puertos e ibons lagunas d´orichen glaciar que son a partita de naixedura d’o río que da nombre a o nuestro territorio: Aragón.

A ruta se completó con a vesita d’os restos de l’Espital de Santa Cristina de Somport y a Estación Internacional de Canfranc.

En a segunda achuntemos a población de Ibieca con a ermita de San Miguel de Foces e o Monasterio de Casbas, una extraordinaria cursa por o semontano de Guara ta escubrir-ie belunas d’as alfayas de o románico aragonés y, cómo no, o Centro de Interpretación de la Lengua Aragonesa “Ana Abarca de Bolea”.

Ya somos aparando a siguiente actividat de o nuestro club d’ocio y tiempo libre. Infórma-te-ne en a nuestra web, blog o retes socials.

Tronca de nadal

As nuestras celebracions populars tienen una graniza valura social, etnolochica y cultural, capable de sobrepasar os limites imposatos por a sociedat de consumo. Cal conservar-las y divulgar-las como una parte important d’a nuestra identidat y patrimonio cultural intanchible.

Ligallo de Fablans de l’Aragonés e Fundación Aragonum han recuperato ra tradición de “la tronca de Nadal” y organizan ista actividat gratuita ta dar-la a conoixer. Totas as navidaz convidamos a ras familias aragonesas a que viengan a El Caracol de Independencia ta disfrutar-ie d’a machia d’o tizón… porque a tronca siempre “caga” regalos ta os más chicoz. Amás, cadaguna d´as familias se lieva una foto de recuerdo. Bels 2.000 ninos e ninas pasan por a tronca de El Caracol toz es años, disfrutando-ie d´una experiencia que puede realizar-se gracias a ra colaboración de voluntarios e voluntarias que fan un apueste por ista tradición.

Suscribe-te ta ra nuestra revista "Orache"

Dende 1982, Orache ye a revista cultural, literaria y d’opinión que femos dende o Ligallo de Fablans de l’Aragonés

21 números nos contemplan en ista publicación, actualment de periodicidat anual, escrita “de raso” en aragonés.

Suscribe-te-ie gratis!

Disposicion de bibliotecas y chuegos tradicionals

Biblioteca especializata en luenga e cultura aragonesa. Tamién en antropolochía, historia, cheografía e luengas minoritarias (asturiano, occitano, catalán, euskera)

biblioteca-ligallo
campamentos

Chuegos tradicionals disponibles que femos ta asociacions e centros educativos. Ampres dica 16 chuegos tradicionals diferents: zancos, soga, a rana, os boliches u birlas, tiro de barra, etc.

Fe-te socio d'o Ligallo

POR 60€ TA L´AÑO FE-TE SOCIO D´O LIGALLO


Colabora con os proyectos nuestros ta empentar a cultura e luenga aragonesa. Participa en totas as nuestras actividaz, beneficiando-te
d´as ventachas de ser socio/a (descuentos en os cursos d´aragonés, excursions e botiga)

Contacta-nos

Ta cualsiquier tipo de duda, semos de luns ta viernes en horario de 9:00 a 13:00